രാജസ്ഥാൻ റോയൽസ് നായകൻ സഞ്ജു സാംസൺ ചെന്നൈ സൂപ്പർ കിങ്സിലേക്ക് എത്തുവെന്ന അഭ്യൂഹങ്ങൾ ഏറെ ശക്തമാണ്. ഇതിനിടെ 31-ാം ജന്മദിനം ആഘോഷിക്കുന്ന സഞ്ജുവിന് ജന്മദിനാശംസകൾ നേർന്നിരിക്കുകയാണ് ചെന്നൈ സൂപ്പർ കിങ്സ്.
നവംബർ 9 ഞായറാഴ്ചയാണ് ചെന്നൈ സൂപ്പർ കിംഗ്സ് ഐ‌പി‌എൽ 2026 ന് മുന്നോടിയായി ഏറ്റവും വലിയ ട്രേഡുകളിലൊന്ന് ആസൂത്രണം ചെയ്യുന്നതായി റിപ്പോർട്ട് പുറത്തുവന്നത്. ആർ‌ആർ ക്യാപ്റ്റൻ സാംസൺ ചെന്നൈയിലേക്ക് ഒരു കരാറിൽ എത്തിയേക്കാമെന്നും സി‌എസ്‌കെയുടെ സ്റ്റാർ ഓൾ‌റൗണ്ടർ രവീന്ദ്ര ജഡേജയെ കൈമാറ്റം ചെയ്തേക്കാമെന്നുമാണ് റിപ്പോർട്ട്. മറ്റൊരു വഴിത്തിരിവിൽ, ജഡേജയ്‌ക്കൊപ്പം സി‌എസ്‌കെയിൽ നിന്ന് ഇംഗ്ലണ്ട് ഓൾ‌റൗണ്ടർ സാം കറനും രാജസ്ഥാൻ്റെ ഭാഗമാകുമെന്ന് പ്രതീക്ഷിക്കുന്നു.
