കോഴിക്കോട്: പരീക്ഷ കഴിഞ്ഞ് പുറത്തിറങ്ങിയ വിദ്യാർഥിക്ക് മർദനം. കോഴിക്കോട് മടവൂർ ചക്കാലക്കൽ ഹയർ സെക്കന്ഡറി സ്കൂളിൽ എട്ടാം ക്ലാസുകാരന് ക്രൂര മർദനമേറ്റത്. ഒമ്പതാം ക്ലാസ് വിദ്യാര്ഥികളാണ് എട്ടാം ക്ലാസുകാരനെ ക്രൂരമായി മര്ദിച്ചത്.
15 വിദ്യാർഥികൾ ചേർന്ന് പിടിച്ചുകൊണ്ടുപോയി സ്കൂളിന് സമീപത്തെ വിവിധയിടങ്ങളിൽ വച്ച് മർദിക്കുകയായിരുന്നു. കുട്ടിയെ സ്കൂൾ ബസിൽ കയറി വീട്ടിലേക്ക് പോകാനും അനുവദിച്ചില്ല. മൂക്കിൽ നിന്നു രക്തം വരുന്നത് വീട്ടുകാരുടെ ശ്രദ്ധയിൽപ്പെടുകയായിരുന്നു. തുടര്ന്ന് ആശുപത്രിയിലെത്തിച്ചു. മുടി വെട്ടിയതും പുതിയ ചെരിപ്പിട്ടതുമൊക്കെ ചോദ്യം ചെയ്താണ് മർദനമെന്നു പരാതി. താമരശേരി താലൂക്ക് ആശുപത്രിയിൽ പ്രവേശിപ്പിച്ച കുട്ടിയെ ഓമശേരിയിലെ സ്വകാര്യ ആശുപത്രിയിലേക്ക് മാറ്റി.
