ന്യൂഡല്ഹി: ദക്ഷിണാഫ്രിക്കയ്ക്കെതിരായ ടി20 പരമ്പരയ്ക്കുള്ള ഇന്ത്യന് ടീമിനെ പ്രഖ്യാപിച്ചു. സൂര്യകുമാര് യാദവ് ഇന്ത്യയെ നയിക്കുമ്പോള് ഉപനായകനായി ശുഭ്മാന് ഗില് ടീമിലിടം പിടിച്ചിട്ടുണ്ട്. മലയാളി താരം സഞ്ജു സാംസണ് വിക്കറ്റ് കീപ്പറായി ടീമിലുണ്ട്. ഇടംകൈയ്യന് ബാറ്റര് യശസ്വി ജയ്സ്വാള് ടീമിലില്ല.
പരിക്കേറ്റ ശുഭ്മാന് ഗില്ലിനെ ടീമിലെടുത്തിട്ടുണ്ടെങ്കിലും കളിക്കുമോ എന്നുറപ്പില്ല. ശാരീരിക ക്ഷമത വീണ്ടെടുക്കുന്ന പശ്ചാത്തലത്തില് മാത്രമേ താരം കളിക്കൂ. അതേസമയം അഭിഷേക് ശര്മ, തിലക് വര്മ, ജിതേഷ് ശര്മ, ജസ്പ്രീത് ബുംറ എന്നിവര് ടീമിലിടംപിടിച്ചു. പരിക്കില് നിന്ന് മുക്തനായ ഓള്റൗണ്ടര് ഹാര്ദിക് പാണ്ഡ്യ ടീമില് തിരിച്ചെത്തി.
ടി20 പരമ്പരയ്ക്കുള്ള ഇന്ത്യൻ സ്ക്വാഡ്: സൂര്യകുമാർ യാദവ്, ശുഭ്മാൻ ഗിൽ, അഭിഷേക് ശർമ, തിലക് വർമ, ഹാർദിക് പാണ്ഡ്യ, ശിവം ദുബെ, അക്ഷർ പട്ടേൽ, ജിതേഷ് ശർമ, സഞ്ജു സാംസൺ, ജസ്പ്രീത് ബുംറ, വരുൺ ചക്രവർത്തി, അർഷ്ദീപ് സിങ്, കുൽദീപ് യാദവ്, ഹർഷിത് റാണ, വാഷിങ്ടൺ സുന്ദർ
