ലൈംഗികാതിക്രമക്കേസിൽ അറസ്റ്റിലായ പാലക്കാട് എംഎൽഎ രാഹുൽ മാങ്കൂട്ടത്തിലിനെ തിരുവല്ല ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി മൂന്ന് ദിവസത്തെ പോലീസ് കസ്റ്റഡിയിൽ വിട്ടു. പ്രത്യേക അന്വേഷണ സംഘം (SIT) ഏഴ് ദിവസത്തെ കസ്റ്റഡിയാണ് ആവശ്യപ്പെട്ടതെങ്കിലും കോടതി മൂന്ന് ദിവസത്തെ കസ്റ്റഡി അനുവദിക്കുകയായിരുന്നു.
ചൊവ്വാഴ്ച ഉച്ചയ്ക്ക് 12.45 മുതൽ വ്യാഴാഴ്ച വൈകുന്നേരം 5 മണി വരെയാണ് കസ്റ്റഡി കാലാവധി. നിലവിൽ മാവേലിക്കര സബ് ജയിലിൽ കഴിയുന്ന രാഹുലിനെ അന്വേഷണ സംഘം ഉടൻ തന്നെ കസ്റ്റഡിയിലെടുത്ത് തെളിവെടുപ്പിനായി കൊണ്ടുപോകും.
