കോട്ടയം: പാലായിലെ സ്വകാര്യ ബസ് സമരം ഒത്തുതീർപ്പായി. ബസ് ജീവനക്കാരെ മർദിച്ച എസ്എഫ്ഐ പ്രവർത്തകർക്കെതിരെ നടപടി ഉണ്ടാകുമെന്ന ഉറപ്പിലാണ് സമരം അവസാനിപ്പിച്ചത്.
പാലാ ആർഡിഓയുടെ നേതൃത്വത്തിൽ ബസ് ഉടമകളും തൊഴിലാളി സംഘടന നേതാക്കളും പോലീസും നടത്തിയ ചർച്ചയിലാണ് തീരുമാനം. രണ്ട് ദിവസമായി പാലായിൽ സ്വകാര്യ ബസ് പണിമുടക്ക് ആയിരുന്നു.
കൺസെഷൻ നൽകുന്നതിലുണ്ടായ തർക്കത്തെ തുടർന്ന് ബസ് ജീവനക്കാരനെ എസ്എഫ്ഐ മർദിച്ചിരുന്നു. ഇതിനെ തുടർന്നാണ് ബസുകൾ പണിമുടക്കിയിരുന്നത്.
