കോഴിക്കോട്: കോഴിക്കോട് മുക്കത്ത് ഇരുവഴിഞ്ഞി പുഴയില് കുളിക്കാനിറങ്ങിയവർക്ക് നീര് നായയുടെ കടിയേറ്റു. കുട്ടികള് ഉള്പ്പെടെ മൂന്ന് പേര്ക്കാണ് നീര് നായയുടെ കടിയേറ്റത്. മൂന്ന് പേര്ക്കും കാലില് ആഴത്തില് മുറിവേറ്റു.
മുക്കം പെരുമ്പടപ്പ് കരിമ്പ് ഉന്നതിയില് താമസിക്കുന്ന ഖദീജ, കഞ്ഞിരമുഴി മുളംതോട്ടത്തില് അനീഷിന്റെ മകന് ആദിദേവ്(15), കരിമ്പ് ഉന്നതിയിലെ ബന്ധുവീട്ടില് എത്തിയ കാരശേരി പഞ്ചായത്തിലെ ഏടലമ്പാട്ട് സ്വദേശി ഫിദല് അഹമ്മദ്(9) എന്നിവര്ക്കാണ് പരിക്കേറ്റത്.
പുഴയിലെ തുമ്പോണ കടവില് കുളിക്കാന് ഇറങ്ങിയതായിരുന്നു ഇവര്. ഇവരെ ആദ്യം മുക്കം സാമൂഹ്യാരോഗ്യ കേന്ദ്രത്തിലും പിന്നീട് കോഴിക്കോട് മെഡിക്കല് കോളജ് ആശുപത്രിയിലും പ്രവേശിപ്പിച്ചു. മേഖലയിൽ നീര് നായയുടെ സാന്നിധ്യം വര്ധിച്ചതായും നാട്ടുകാർ ആരോപിക്കുന്നു.
