കോട്ടയം: പൊൻകുന്നത്ത് ആംബുലൻസ് ഇടിച്ച് കാൽനടയാത്രികൻ മരിച്ചു. തമിഴ്നാട് തേനി സ്വദേശി മുരുകദാസ് ശങ്കരപാണ്ഡ്യൻ (67) ആണ് മരിച്ചത്. ബസ് സ്റ്റാൻഡിനു മുന്നിൽ കൊല്ലം- തേനി ദേശീയ പാതയിൽ രാവിലെ എട്ടോടെയാണ് അപകടമുണ്ടായത്.
റോഡ് മുറിച്ച് കടക്കവേ മുരുകദാസിനെ ആംബുലൻസ് ഇടിച്ചുതെറിപ്പിക്കുകയായിരുന്നു. ഉടൻതന്നെ മെഡിക്കൽ കോളജിൽ എത്തിച്ചെങ്കിലും മരണം സംഭവിക്കുകയായിരുന്നു. പൊൻകുന്നത്ത് തുണി വ്യാപാരം നടത്തുന്നയാളാണ് ശങ്കരപാണ്ഡ്യൻ.
