ഓപ്പറേഷൻ സിന്ദൂരിൻറെ കനത്ത പ്രഹരത്തിൽ നിന്ന് കരകയറുന്നതിനിടയിലും ഡ്രോൺ പ്രകോപനങ്ങൾ തുടർന്ന് പാക്കിസ്ഥാൻ. ജനുവരി 9 മുതൽ, ജമ്മു കശ്മീരിന്റെ അതിർത്തി മേഖലകളിൽ ഒന്നിലധികം പാകിസ്ഥാൻ ഡ്രോണുകൾ കണ്ടെത്തിയിട്ടുണ്ട്.
ഇത്തരം നീക്കങ്ങൾ അവസാനിപ്പിക്കാൻ ഇന്ത്യ പാക്കിസ്ഥാനോട് ആവശ്യപ്പെട്ടെങ്കിലും വ്യാഴാഴ്ച രാത്രി വീണ്ടും ഡ്രോണുകൾ കണ്ടത് പാക്കിസ്ഥാൻ പിൻമാറാൻ തയ്യാറല്ലെന്നതിൻറെ സൂചനയാണ്. എന്താണ് പാക്കിസ്ഥാൻ ഇപ്പോൾ ഇന്ത്യയിലേക്ക് വീണ്ടും ഡ്രോണുകൾ അയക്കാനുള്ള കാരണം. പരിശോധിക്കാം.
കാരണങ്ങൾ പരിശോധിക്കുന്നതിന് മുമ്പ് പാകിസ്ഥാൻ അയച്ച ഡ്രോണുകളെ കുറിച്ച് മനസിലാക്കാം. കഴിഞ്ഞ വർഷം മെയ് മാസത്തിൽ സംഘർഷ സമയത്ത് വിന്യസിച്ച കാമികേസ്-ക്ലാസ് ഡ്രോണുകളല്ല ഇപ്പോൾ അയക്കുന്നത്. സൂയിസൈഡ് ഡ്രോണുകളാണ് അയക്കുന്നത്. ഒരു പ്രദേശത്തിന് മുകളിൽ ചുറ്റിപ്പറന്ന് ലക്ഷ്യം കണ്ടെത്തിയ ശേഷം സ്വയം തകർന്ന് ആക്രമണം നടത്തുന്നവയാണ് ഈ ഡ്രോണുകൾ.
