വ്യവസ്ഥകള് അംഗീകരിക്കാന് വിസമ്മതിക്കുന്ന പക്ഷം ഭരണമാറ്റം നേരിടാന് തയാറായിക്കൊള്ളാന് അഫ്ഗാനിസ്ഥാനിലെ താലിബാന് ഭരണകൂടത്തിന് പാക്കിസ്ഥാന്റെ അന്ത്യശാസനം.
2021 ലെ ഭരണമാറ്റത്തിനു ശേഷമുണ്ടായ ഏറ്റവും രൂക്ഷമായ സംഘര്ഷത്തെ തുടര്ന്ന് തുര്ക്കിയുടെ മധ്യസ്ഥതയില് പാക്കിസ്ഥാനും അഫ്ഗാനിസ്ഥാനും തമ്മില് പല തവണ കൂടിക്കാഴ്ചകള് നടത്തിയെങ്കിലും വ്യവസ്ഥകളില് ധാരണയാകാത്തതിനെ തുടര്ന്ന് ചര്ച്ചകള് വഴിമുട്ടിയ സാഹചര്യത്തിലാണ് അന്ത്യശാസനം. ആശങ്കകള് പരിഹരിക്കാന് താലിബാന് വിസമ്മതിക്കുന്നതാണ് പ്രശ്ന പരിഹാരത്തിന് തടസമെന്നാണ് പാകിസ്ഥാന്റെ ആരോപണം.
