സുവർണ്ണ ക്ഷേത്രം തിരിച്ചുപിടിക്കാനുള്ള തെറ്റായ സമീപനമായിരുന്നു ഓപ്പറേഷൻ ബ്ലൂ സ്റ്റാർ എന്ന് മുതിർന്ന കോൺഗ്രസ് നേതാവും മുൻ കേന്ദ്രമന്ത്രിയുമായ പി. ചിദംബരം പറഞ്ഞു. മുൻ പ്രധാനമന്ത്രി ഇന്ദിരാഗാന്ധി തന്റെ ജീവൻ പോലും ഈ തെറ്റിന് വിലയായി നൽകി എന്ന് അദ്ദേഹം പറഞ്ഞു.
ഹിമാചൽ പ്രദേശിലെ കസൗലിയിൽ നടന്ന ഖുശ്വന്ത് സിംഗ് സാഹിത്യോത്സവത്തിൽ മാധ്യമപ്രവർത്തകനായ ഹരീന്ദർ ബവേജയുടെ “ദേ വിൽ ഷോട്ട് യു, മാഡം” എന്ന പുസ്തകത്തെക്കുറിച്ച് ചർച്ച ചെയ്യുകയായിരുന്നു ചിദംബരം.
