ന്യൂയോർക്കിലെ ബിഷപ്പ് റൊണാൾഡ് എ. ഹിക്സിനെ ന്യൂയോർക്കിലെ ആർച്ച് ബിഷപ്പായി നിയമിച്ചു. ലിയോ പതിനാലാമൻ മാർപ്പാപ്പ ആണ് പ്രഖ്യാപനം നടത്തിയത്. വത്തിക്കാൻ രാജി സ്വീകരിച്ച കർദിനാൾ തിമോത്തി എം. ഡോളന് (75) പകരക്കാരനായാണ് ഹിക്സ് നിയമിതനാകുന്നത്.
ഷിക്കാഗോ രൂപതയുടെ കീഴിലുള്ള ഇല്ലിനോയിസിലെ ജോലിയറ്റിന്റെ ബിഷപ്പായി ഹിക്സ് അടുത്തിടെ സേവനമനുഷ്ഠിച്ചിട്ടുണ്ട്. ജോലിയറ്റ് രൂപതയിലെ ജനങ്ങളെ സേവിക്കാൻ എനിക്ക് വളരെയധികം അനുഗ്രഹം ലഭിച്ചിരിക്കുന്നു. ശുശ്രൂഷയുടെ ഈ പുതിയ അധ്യായം ആരംഭിക്കുമ്പോൾ ഈ രൂപതയുടെ വിശ്വാസവും, ഔദാര്യവും, ആത്മാവും ഞാൻ എന്നോടൊപ്പം കൊണ്ടുപോകും- ഹിക്സ് പ്രസ്താവനയിൽ പറഞ്ഞു.
ഇല്ലിനോയിസിലെ മുണ്ടലീനിലുള്ള സെന്റ് മേരി ഓഫ് ദി ലേക്ക് യൂണിവേഴ്സിറ്റിയിൽ നിന്നും മുണ്ടലീൻ സെമിനാരിയിൽ നിന്നും അദ്ദേഹം ശുശ്രൂഷാ ഡോക്ടറേറ്റ് നേടിയിട്ടുണ്ട്.
