അന്ധേരി ഓഷിവാരയിലെ ജനവാസ കെട്ടിടത്തിന് നേരെ വെടിയുതിർത്ത സംഭവത്തിൽ നടനും സ്വയം പ്രഖ്യാപിത ചലച്ചിത്ര നിരൂപകനുമായ കെ.കെ.ആർ എന്നറിയപ്പെടുന്ന കമാൽ ആർ ഖാനെ മുംബൈ പോലീസ് അറസ്റ്റ് ചെയ്തു. ജനുവരി 18നായിരുന്നു കേസിനാസ്പദമായ സംഭവം.
ചോദ്യം ചെയ്യലിനിടെ തന്റെ ലൈസൻസുള്ള തോക്ക് ഉപയോഗിച്ചാണ് വെടിവച്ചതെന്ന് അയാൾ സമ്മതിച്ചു. വെടിവയ്ക്കാൻ ഉപയോഗിച്ച തോക്ക് പോലീസ് കണ്ടെടുത്തിട്ടുണ്ട്. തുടർന്ന് പ്രതിയെ പോലീസ് കസ്റ്റഡിയിലെടുത്തു.
