കോഴിക്കോട്: തെരഞ്ഞെടുപ്പ് അട്ടിമറിക്കാൻ ശ്രമിക്കുന്ന ശോഭ സുരേന്ദ്രൻ കേരള രാഷ്ട്രീയത്തിന് അപമാനമാണെന്ന് രാജ്മോഹൻ ഉണ്ണിത്താൻ എംപി. പെണ്ണ് ഒരുമ്പെട്ടാൽ ബ്രഹ്മനും തടുക്കാനാവില്ല. എന്തൊക്കെ കാണിച്ചാലും സംസ്ഥാനത്ത് ബിജെപി ജയിക്കില്ല.
വോട്ടർമാർക്ക് ബിജെപി പ്രവർത്തകർ പണം നൽകുന്നതിന്റെ വീഡിയോ എടുത്ത് പുറത്തുവിട്ട യുവാക്കൾക്ക് സോഷ്യൽ മീഡിയ അവാർഡ് കൊടുക്കണം. പണം കൊടുത്ത സ്ത്രീയെ അറസ്റ്റ് ചെയ്യണമെന്നും ശോഭയെ അയോഗ്യയാക്കണമെന്നും രാജ്മോഹൻ ഉണ്ണിത്താൻ ആവശ്യപ്പെട്ടു.
പടനക്കാട് എസ്എൻഎയുപിഎസിൽ വോട്ട് ചെയ്തശേഷം സംസാരിക്കുകയായിരുന്നു അദ്ദേഹം. സംസ്ഥാനത്താകെ യുഡിഎഫ് അനുകൂല തരംഗമുണ്ട്. യുഡിഎഫ് സ്ഥാനാർഥികൾ വൻ വിജയം നേടുമെന്നും അദ്ദേഹം പറഞ്ഞു.



