അമേരിക്ക-ഇറാൻ സംഘർഷം പുതിയ തലങ്ങളിലേക്ക്. ഫെബ്രവുരി 28-ന് 175 ഓളം പേരുടെ ജീവൻ കവർന്ന മിനാബ് സ്കൂൾ ദുരന്തത്തിന് ഉത്തരവാദികളായ യു.എസ് നാവിക ഉദ്യോഗസ്ഥരുടെ പേരുവിവരങ്ങൾ ഔദ്യോഗികമായി പുറത്തുവിട്ടാണ് ഇറാൻ പുതിയ പോർമുഖം തുറന്നിരിക്കുന്നത്.
ഇന്ത്യ, ദക്ഷിണാഫ്രിക്ക, നൈജീരിയ എന്നിവിടങ്ങളിലെ ഇറാനിയൻ എംബസികൾ ഉദ്യോഗസ്ഥരുടെ ചിത്രങ്ങൾ പുറത്തിറക്കി. അമേരിക്കയ്ക്കെതിരെ ശക്തമായ നയതന്ത്ര സമ്മർദ്ദം ചെലുത്തുന്നതിന്റെ ഭാഗമായാണ് ഈ നീക്കം വിലയിരുത്തപ്പെടുന്നത്. യുദ്ധക്കുറ്റം ചുമത്തി അമേരിക്കയെ അന്താരാഷ്ട്ര വേദിയിൽ പ്രതിക്കൂട്ടിലാക്കാനാണ് ഇറാന്റെ നീക്കം.
