കാനഡയിൽ നിന്നുള്ള ഉൽപ്പന്നങ്ങൾക്ക് 100 ശതമാനം നികുതി ചുമത്തുമെന്ന അമേരിക്കൻ പ്രസിഡന്റ് ഡൊണാൾഡ് ട്രംപിന്റെ ശക്തമായ മുന്നറിയിപ്പിന് പിന്നാലെ, ചൈനയുമായി സ്വതന്ത്ര വ്യാപാര കരാർ (Free Trade Agreement) ഒപ്പിടാൻ കാനഡയ്ക്ക് പദ്ധതിയില്ലെന്ന് പ്രധാനമന്ത്രി മാർക്ക് കാർണി വ്യക്തമാക്കി. കാനഡ ചൈനയുമായി അടുക്കുന്നുവെന്ന ട്രംപിന്റെ ആരോപണങ്ങളെ തള്ളിക്കൊണ്ടാണ് കാർണിയുടെ പ്രതികരണം.
ട്രംപിന്റെ ഭീഷണിയും കാനഡയുടെ മറുപടിയും
എന്നാൽ, ചൈനയുമായുള്ള നിലവിലെ ചർച്ചകൾ ചില നികുതി തർക്കങ്ങൾ പരിഹരിക്കാൻ മാത്രമുള്ളതാണെന്ന് കാർണി ഞായറാഴ്ച വ്യക്തമാക്കി. അമേരിക്കയും മെക്സിക്കോയുമായുള്ള നിലവിലെ വ്യാപാര കരാർ (USMCA) പ്രകാരം മറ്റ് രാജ്യങ്ങളുമായി സ്വതന്ത്ര വ്യാപാര കരാറിൽ ഏർപ്പെടുന്നതിന് മുൻപ് അറിയിപ്പ് നൽകണമെന്ന വ്യവസ്ഥ കാനഡ പാലിക്കുമെന്നും അദ്ദേഹം പറഞ്ഞു.
