ബാലതാരമായി മലയാള സിനിമയിൽ ശ്രദ്ധ നേടിയിരുന്ന ഹരിമുരളിയെ മരിച്ച നിലയിൽ കണ്ടെത്തി. കണ്ണൂർ ജില്ലയിലെ പയ്യന്നൂർ അന്നൂരിലെ വീട്ടിലാണ് അദ്ദേഹത്തെ മരിച്ച നിലയിൽ കണ്ടെത്തിയത്. തുടർന്ന് മൃതദേഹം പയ്യന്നൂരിലെ സ്വകാര്യ ആശുപത്രിയിലേക്ക് മാറ്റി. ബാലതാരമായി നിരവധി സിനിമകളിൽ അഭിനയിച്ചിരുന്ന ഹരിമുരളി, പിന്നീട് വി.എഫ്.എക്സ് ആർട്ടിസ്റ്റായും പ്രവർത്തിച്ചിരുന്നു.
രസികൻ, അണ്ണൻ തമ്പി, മാടമ്പി ഉൾപ്പെടെ അമ്പതോളം സിനിമകളിൽ ബാലതാരമായി അഭിനയിച്ചിരുന്ന അദ്ദേഹത്തിന്റെ അപ്രതീക്ഷിത മരണം സിനിമാരംഗത്തും ആരാധകരിലും ഞെട്ടൽ സൃഷ്ടിച്ചിരിക്കുകയാണ്.
