തിരുവനന്തപുരം: ഉപയോഗശൂന്യമായ കെഎസ്‌ആർടിസി ഡീസൽ ബസുകൾ ഇലക്ട്രിക്കിലേക്ക് മാറ്റാനൊരുങ്ങി കെഎസ്‌ആർടിസി. അഞ്ച് വർഷത്തിൽ കൂടുതൽ പഴക്കമുള്ളതും ഉപയോഗശൂന്യവുമായ ഡീസൽ ബസുകളാണ് ഇലക്ട്രിക്കിലേക്ക് മാറ്റുക. നിലവിൽ ഉപയോഗശൂന്യമായിരിക്കുന്ന ബസുകളാണ് പദ്ധതിയിൽ ഉൾപ്പെടുത്തി നവീകരിക്കുക.
അനെർട്ടും കെഎസ്ആർടിസിയും തോഷിബ കമ്പനിയും സംയുക്തമായാണ് പുതിയ പദ്ധതി നടപ്പിലാക്കുക. എൻജിൻ, ഗിയർ ബോക്‌സ്‌, ട്രാൻസ്‌മിഷൻ സിസ്‌റ്റം എന്നിവ മാറ്റി ഇലക്ട്രിക് മോട്ടോർ, ബാറ്ററി, ബാറ്ററി മാനേജ്‌മെൻ്റ് സിസ്‌റ്റം, മോട്ടോർ കൺട്രോൾ യൂണിറ്റ്‌ എന്നിവ സ്ഥാപിക്കാനാണ് പദ്ധതി. ബസിൻ്റെ മുകൾ ഭാഗത്താണ് ചാർജിങ് സംവിധാനം (പാൻ്റോഗ്രാഫിക് ചാർജിങ്) ഉണ്ടാവുക
തിരുവനന്തപുരം – കൊട്ടാരക്കര , തിരുവനന്തപുരം – എറണാകുളം റൂട്ടിലായിരിക്കും പുതിയ ഇലക്ട്രിക് ബസുകൾ സർവീസ് നടത്തുക. കായംകുളം, എറണാകുളം, കൊട്ടാരക്കര എന്നിവിടങ്ങളിൽ 400 കിലോവാട്ടിൻ്റെ പാൻ്റോഗ്രാഫിക് ചാർജിങ് സംവിധാനമൊരുക്കും. 10 മുതൽ 20 മിനിട്ടിനുള്ളിൽ ചാർജ്‌ ചെയ്യാനുള്ള ബാറ്ററിയും 400 കിലോവാട്ട്‌ പാൻ്റോഗ്രാഫ്‌ ചാർജിങ് സംവിധാനവും രാജ്യത്ത് ആദ്യമായാണ് നടപ്പാക്കുന്നത്‌.
ആദ്യഘട്ടത്തിൽ മൂന്ന്‌ ഇലക്ട്രിക് ബസുകളാണ് ഈ രീതിയിൽ പുറത്തിറക്കുക എന്നാണ് റിപ്പോർട്ട്. 200 കിലോവാട്ടിന്റെ പിഎംഎസ്‌എം മോട്ടോറും 100 – 150 കിലോവാട്ടിൻ്റെ എൽടിഒ ബാറ്ററിയുമടക്കം പവർ ട്രെയിൻ സംവിധാനമാണ്‌ ബസിലുണ്ടാവുക.
എറണാകുളത്തേക്ക് സർവീസ് നടത്തുന്ന ബസ്‌ കായംകുളം സ്‌റ്റാൻഡിൽ നിർത്തിയിടുമ്പോഴും, തിരിച്ചുള്ള യാത്രയിൽ എറണാകുളത്തും ചാർജ്‌ ചെയ്യും. കൊട്ടാരക്കരയിൽനിന്ന്‌ 15 മിനിട്ട്‌ ചാർജ്‌ ചെയ്‌ത്‌ തിരുവനന്തപുരത്തേക്ക്‌ സർവീസ് നടത്താൻ കഴിയും.
https://photogallery.malayalam.samayam.com/in-focus/poll?msid=122016691&host=mly&platform=desktop&isamp=false&showheading=true&ru=https://malayalam.samayam.com/latest-news/kerala-news/ksrtc-preparing-to-convert-diesel-buses-to-electric/articleshow/122016679.cms
ഡീസൽ ബസുകളെ ഇലക്ട്രിക് ബസുകളാക്കി മാറ്റാനുള്ള പരിശീലനം കെഎസ്‌ആർടിസി മെക്കാനിക്കൽ ജീവനക്കാർക്ക്‌ നൽകും. കെഎസ്‌ആർടിസി വർക്ക്‌ഷോപ്പുകളിൽ നിന്ന് തന്നെയാകും ബസുകളെ ഇലക്ട്രിക് ആക്കി മാറ്റുക.
: ഇറാനെ ആക്രമിച്ച യുഎസിനെതിരെ റഷ്യയും ചൈനയും; വിമർശനവുമായി യുഎൻ സെക്രട്ടറിയും
ഇലക്ട്രിക് വാഹനങ്ങളിൽ എൽഎഫ്‌പി ( ലിഥിയം ഫെറോ ഫോസ്ഫേറ്റ് ) ബാറ്ററികൾ ഉപയോഗിച്ച്‌ ചാർജ്‌ ചെയ്യാൻ കുറഞ്ഞത്‌ ഒന്നുമുതൽ നാലുമണിക്കൂർവരെ സമയമെടുക്കും. എൽടിഒ ( ലിഥിയം ടൈറ്റാനേറ്റ് ഓക്സൈഡ് ) ബാറ്ററി ഉപയോഗിക്കുന്നതിലൂടെ ചാർജിങ് സമയം 10 – 15 മിനിട്ടുവരെയായി കുറയ്‌ക്കാൻ കഴിയും. തോഷിബയാണ് ബാറ്ററി വിതരണം ചെയ്യുക.
