സംസ്ഥാനത്ത് സ്വർണ വില ഉയർന്ന് തന്നെ. ഇന്ന് സ്വർണ വിലയിൽ മാറ്റമില്ലാതെ തുടരുന്നു. ഈ മാസത്തെ ഏറ്റവും ഉയർന്ന നിരക്കിലാണ് ഇന്ന് വ്യാപാരം നടക്കുന്നത്. ഒരു പവൻ സ്വർണത്തിന് 95,200 രൂപയും ഒരു ഗ്രാം സ്വർണത്തിന് 11,900 രൂപയുമാണ് ഇന്ന് നൽകേണ്ടത്. നവംബർ ആദ്യവാരത്തിൽ പ്രതീക്ഷ നൽകിയിരുന്ന വിപണി അവസാനം എത്തിയപ്പോൾ ആശങ്ക സൃഷ്ടിക്കുകയാണ്.
പണിക്കൂലി, ജിഎസ്ടി, ഹോള്‍ മാര്‍ക്കിങ് ഫീസ് എന്നിവ കൂടി ചേർത്ത് ഒരു പവന്റെ ആഭരണത്തിന് വൻ വില നൽകേണ്ട സ്ഥിതിയാണ്. സ്വര്‍ണാഭരണത്തിന്റെ കുറഞ്ഞ പണിക്കൂലി 5 ശതമാനമാണ്. ഓരോ ദിവസം കഴിയുന്തോറും സ്വർണവിലയിൽ മാറ്റമുണ്ടോ എന്ന് ഉറ്റ് നോക്കുകയാണ് സാധാരണക്കാർ.
