സംസ്ഥാനത്തെ സ്വർണവിലയിൽ വീണ്ടും വർദ്ധനവ്. ഇന്നലെ 180 രൂപയുടെ നേരിയ വർദ്ധനവ് ഉണ്ടായിരുന്ന വിപണിയിലാണ് ഇന്നും വിലക്കയറ്റമുണ്ടായത്. 240 രൂപയാണ് ഇന്ന് ഒരു പവന് വർദ്ധിച്ചത്.
ഒരുലക്ഷം തൊടുമോ ഒരു പവൻ്റെ വില എന്ന ആകാംക്ഷയിലായിരുന്നു ആഭരണപ്രേമികൾ. 98,880 രൂപയാണ് ഇന്ന് ഒരു പവൻ സ്വർണത്തിൻ്റെ വിപണി വില. 12,000 രൂപയ്ക്ക് മുകളിലാണ് ഒരു ഗ്രാം സ്വർണത്തിൻ്റെ വിലയും. 12,360 രൂപയാണ് ഒരു ഗ്രാം സ്വർണത്തിന് ഇന്ന് നൽകേണ്ടത്.
പണിക്കൂലി, ജിഎസ്ടി, ഹോള് മാര്ക്കിങ് ഫീസ് എന്നിവ കൂടി ചേർത്ത് ഒരു പവന്റെ ആഭരണത്തിന് വൻ വില നൽകേണ്ട സ്ഥിതിയാണ്. സ്വര്ണാഭരണത്തിന്റെ കുറഞ്ഞ പണിക്കൂലി 5 ശതമാനമാണ്. ഓരോ ദിവസം കഴിയുന്തോറും സ്വർണവിലയിൽ മാറ്റമുണ്ടോ എന്ന് ഉറ്റ് നോക്കുകയാണ് സാധാരണക്കാർ.
