ടോയ്ലറ്റ് ക്ഷാമത്തിന്റെ പേരിൽ വാർത്തകളിൽ നിറഞ്ഞ് ജാപ്പനീസ് പാർലമെന്റ്. പാർലമെന്റ് കെട്ടിടത്തിലെ സ്ത്രീ ടോയ്ലറ്റുകളുടെ എണ്ണം വർദ്ധിപ്പിക്കണമെന്ന് ആവശ്യപ്പെട്ട് വനിതാ അംഗങ്ങൾ രംഗത്തെത്തിക്കഴിഞ്ഞു. ജാപ്പനീസ് പ്രധാനമന്ത്രി സനേ തകായിച്ചിയും ഈ ആവശ്യത്തെ പിന്തുണച്ചിട്ടുണ്ട്.
ബിബിസി റിപ്പോർട്ട് അനുസരിച്ച്, പാർലമെന്റ് കെട്ടിടത്തിലെ സ്ത്രീ ടോയ്ലറ്റുകളുടെ എണ്ണം വർദ്ധിപ്പിക്കണമെന്നും, അങ്ങനെ സ്ത്രീകളുടെ എണ്ണത്തിനും പങ്കാളിത്തത്തിനും അനുസരിച്ച് പാർലമെന്റിൽ ടോയ്ലറ്റുകൾ ഉണ്ടായിരിക്കണമെന്നും ആവശ്യപ്പെട്ട് നിവേദനം നൽകിയ 60 വനിതാ എംപിമാരിൽ ജപ്പാൻ പ്രധാനമന്ത്രി സനയ് തകായിച്ചിയും ഉണ്ട്.
2024 ഒക്ടോബറിൽ, 465 സീറ്റുകളുള്ള ലോവർ ഹൗസിലേക്ക് 73 സ്ത്രീകൾ തിരഞ്ഞെടുക്കപ്പെട്ടത് റെക്കോർഡ് സൃഷ്ടിച്ചിരുന്നു. 2009-ലെ ഏറ്റവും ഉയർന്ന സംഖ്യയായ 54-നെ ഇത് മറികടന്നു. അതേസമയം, ഡയറ്റ് എന്ന് വിളിക്കപ്പെടുന്ന ജാപ്പനീസ് പാർലമെന്റിന്റെ ഉപരിസഭയിലേക്ക് തിരഞ്ഞെടുക്കപ്പെട്ട 248 പേരിൽ 74 പേർ സ്ത്രീകളാണ്.
