ബിഹാറിൽ വിജയിച്ചത് എൻഡിഎ അല്ല, തിരഞ്ഞെടുപ്പ് കമ്മീഷൻ തന്നെയാണെന്ന് മുതിർന്ന കോൺഗ്രസ് നേതാവ് രമേശ് ചെന്നിത്തല ആരോപിച്ചു. ഇന്ത്യയിലെ ജനാധിപത്യം ഗുരുതര പ്രതിസന്ധിയിലാണെന്നും ഇതിനെ കുറിച്ച് എല്ലാവരും ആലോചിക്കേണ്ട സമയമാണിതെന്നും അദ്ദേഹം മാധ്യമങ്ങളോട് പ്രതികരിച്ചു. മഹാരാഷ്ട്രയിലും ഹരിയാനയിലും സംഭവിച്ചതുപോലെ തന്നെയാണ് ബിഹാറിലും ആവർത്തിച്ചതെന്ന് ചെന്നിത്തല കൂട്ടിച്ചേർത്തു.
എല്ലാ രാഷ്ട്രീയ പാർട്ടികളും ഇതിനെ ഗൗരവത്തോടെ വിലയിരുത്തണമെന്ന് അദ്ദേഹം ആവശ്യപ്പെട്ടു. പി.എം.ശ്രീ പദ്ധതിയുമായി ബന്ധപ്പെട്ട് എൽഡിഎഫിനുള്ളിൽ ആന്തരിക കലഹം രൂക്ഷമാണെന്നും, മറുവശത്ത് യുഡിഎഫ് പൂർണ ഐക്യത്തോടെ പ്രവർത്തിക്കുന്നുവെന്നും ചെന്നിത്തല പറഞ്ഞു. കേരളത്തിൽ ജനങ്ങൾ രാഷ്ട്രീയമാറ്റം ആഗ്രഹിക്കുന്നുവെന്ന് അദ്ദേഹം ചൂണ്ടിക്കാട്ടി.
