ഇറാന്റെ ഇസ്ലാമിക് റെവല്യൂഷണറി ഗാർഡ് കോർപ്സ് ഹോർമുസ് കടലിടുക്കിൽ ആരംഭിക്കാൻ പോകുന്ന ലൈവ്-ഫയർ നാവിക അഭ്യാസത്തിന് താക്കീതുമായി അമേരിക്ക. അനാവശ്യമായ സംഘർഷം ഒഴിവാക്കണമെന്ന് യുഎസ് സെൻട്രൽ കമാൻഡ് ഇറാനോട് ആവശ്യപ്പെട്ടു.
യുഎസ് സൈനിക താവളങ്ങൾ, കപ്പലുകൾ, വിമാനങ്ങൾ എന്നിവയ്ക്ക് ചുറ്റും ഐആർജിസിയുടെ സുരക്ഷിതമല്ലാത്തതോ പ്രൊഫഷണലല്ലാത്തതോ ആയ പെരുമാറ്റം അനുവദിക്കില്ലെന്ന് യുഎസ് സെൻട്രൽ കമാൻഡ് പ്രസ്താവനയിൽ പറഞ്ഞു. കടലിലെ ഏതൊരു പ്രകോപനപരമായ പ്രവർത്തനവും സംഘർഷത്തിലേക്ക് നയിക്കുമെന്ന് കമാൻഡ് വ്യക്തമാക്കി.
