മിഡിൽ ഈസ്റ്റിലെ സംഘർഷത്തെത്തുടർന്ന് വിമാനം വഴിതിരിച്ചുവിട്ടതോടെ പാകിസ്ഥാനിലെ കറാച്ചി വിമാനത്താവളത്തിൽ കുടുങ്ങിയ മൂന്ന് മലയാളികൾ നാളെ കൊച്ചിയിലെത്തും. ഇവരടങ്ങുന്ന എട്ടംഗ ഇന്ത്യൻ സംഘം തിങ്കളാഴ്ച ഉച്ചയോടെ പാകിസ്ഥാനില് നിന്നും വിമാനമാര്ഗ്ഗം ശ്രീലങ്കയിലെ കൊളംബോയിലെത്തി.
അര്ദ്ധരാത്രി 12.30 ന്റെ (മാര്ച്ച് 03) ശ്രീലങ്കന് എയര്വേയ്സ് വിമാനത്തില് ഡല്ഹിയിലേയ്ക്ക് തിരിക്കും. ശേഷം മലയാളികൾ മാര്ച്ച് 03 ന് പുലര്ച്ചെയുളള എയര് ഇന്ത്യാ വിമാനത്തില് കൊച്ചിയിലേയ്ക്കും തിരിക്കും
മലയാളികളായ യാത്രക്കാര് കുവൈറ്റിൽ നിന്നുള്ള ലോക കേരള സഭ അംഗം മണിക്കുട്ടൻ എടക്കാട്ട്വഴി നോര്ക്ക റൂട്ട്സിനെ ബന്ധപ്പെട്ടതിന്റെ അടിസ്ഥാനത്തില് കേന്ദ്രവിദേശകാര്യ മന്ത്രാലയവുമായി ബന്ധപ്പെടുകയും ഇവരെ ഇന്ത്യയിലെത്തിക്കാനുളള നടപടികള് ഏകോപിപ്പിച്ചു.
