ആർട്ടിഫിഷ്യൽ ഇന്റലിജൻസ് പോലുള്ള വിപ്ലവകരമായ സാങ്കേതിക മുന്നേറ്റങ്ങൾക്കിടയിലും ലോകം യുദ്ധങ്ങളാലും ആഗോള ക്രമത്തിന്റെ തകർച്ചയാലും വലയുകയാണെന്ന് ഇന്ത്യാ ടുഡേ ഗ്രൂപ്പ് ചെയർമാനും എഡിറ്റർ ഇൻ ചീഫുമായ അരൂൺ പുരി. ഇന്ത്യാ ടുഡേ കോൺക്ലേവ് 2026-ന്റെ ഉദ്ഘാടന പ്രസംഗത്തിലാണ് അദ്ദേഹം ഈ വിരോധാഭാസത്തെക്കുറിച്ച് സംസാരിച്ചത്.
‘ബ്രേക്ക്ത്രൂസ് ആൻഡ് ബ്രേക്ക്ഡൗൺസ്’ (മുന്നേറ്റങ്ങളും തകർച്ചകളും) എന്ന പ്രമേയത്തിൽ നടക്കുന്ന കോൺക്ലേവിൽ, മനുഷ്യവംശം ഒരേസമയം സാങ്കേതിക വിപ്ലവത്തിലൂടെയും നാഗരികതയുടെ തകർച്ചയിലൂടെയുമാണ് കടന്നുപോകുന്നതെന്ന് അദ്ദേഹം ചൂണ്ടിക്കാട്ടി.
നമ്മുടെ ബുദ്ധി ആർട്ടിഫിഷ്യൽ ആയെങ്കിലും വികാരങ്ങൾ ഇന്നും പ്രാകൃതമായി തുടരുന്നുവെന്ന് അദ്ദേഹം പറഞ്ഞു. ഒരു ചെറിയ പിഴവ് വർഷങ്ങളായുള്ള പുരോഗതിയെ ഇല്ലാതാക്കിയേക്കാം. എഐ സാങ്കേതികവിദ്യ ഉത്പാദനക്ഷമത വർദ്ധിപ്പിക്കുമ്പോൾ തന്നെ തൊഴിലില്ലായ്മ, അസമത്വം തുടങ്ങിയ പുതിയ വെല്ലുവിളികൾ ഉയർത്തുന്നുണ്ടെന്നും അദ്ദേഹം മുന്നറിയിപ്പ് നൽകി.
