മിനിസ്‌ക്രീനിലൂടെ ബിഗ് സ്‌ക്രീനിലെത്തി പ്രേക്ഷകരുടെ പ്രിയങ്കരിയായിമാറിയ താരമാണ് ലെന. ഇടക്കാലത്ത് അഭിനയത്തിൽ നിന്നും ഇടവേളയെടുത്ത ലെന പിന്നീട് ശക്തമായി തിരികെ വരികയായിരുന്നു. തിരിച്ചുവരവിൽ വേറിട്ട കഥാപാത്രങ്ങളിലൂടെ സ്വന്തമായൊരു ഇടം കണ്ടെത്താൻ ലെനയ്ക്ക് സാധിച്ചു. ‘ഓട്ടോബയോഗ്രഫി ഓഫ് ഗോഡ്’ എന്ന പേരിൽ ഒരു പുസ്തകം പുറത്തിറക്കിയിരുന്നു.
ചില വിഷയങ്ങളോടുള്ള ലെനയുടെ തുറന്നു പറച്ചിൽ സമൂഹമാദ്ധ്യമങ്ങളിൽ ചർച്ചയ്ക്ക് വഴിയൊരുക്കിയിട്ടുണ്ട്. അത്തരത്തിൽ ടൈം ഫോർ ഗ്രേറ്റ്നെസ് മലയാളത്തിന് മുൻപ് നൽകിയ അഭിമുഖത്തിൽ ലെന പറഞ്ഞ ചില കാര്യങ്ങൾ ഇപ്പോൾ വീണ്ടും സോഷ്യൽ മീഡിയയിൽ വൈറലാവുകയാണ്. കൊടൈക്കനാലിൽ പോയി മാജിക് മഷ്റൂം കഴിച്ചിരുന്നുവെന്നും അതിലൂടെ തനിക്ക് നേരിടേണ്ടി വന്നത് പല തരം മാനസിക പ്രശ്നങ്ങളുമാണെന്ന് ലെന പറഞ്ഞു.
‘2004 ൽ ഇപ്പോഴത്തെ ചെറുപ്പക്കാർ കാണിക്കുന്ന മണ്ടത്തരം ഞാൻ ചെയ്തു. ആ പ്രായത്തിൽ സമപ്രായക്കാർ ചെയ്യുന്നത് കണ്ട് കൊടെെക്കനാലിൽ പോയി മാജിക് മഷ്റൂം കഴിച്ചു. എന്തോ അബദ്ധവശാൽ 1 ശതമാനം ആൾക്കാർക്ക് സംഭവിക്കുന്നത് എനിക്ക് ഉണ്ടായി. കാരണം മാജിക് മഷ്റൂം കഴിച്ചതിന് ശേഷം മെഡിറ്റേഷനിൽ ഇരുന്നു. എന്താണ് ദൈവം എന്ന് ചോദിച്ചു. മിക്ക ആൾക്കാരും അതല്ല ചെയ്യുന്നത്, അവര്‍ ബ്രെയിനും ആരോഗ്യവും നശിപ്പിക്കുകയാണ്.
