രൺവീർ സിംഗ് നായകനായ ‘ധുരന്ധർ’ എന്ന ചിത്രത്തെ പ്രശംസിച്ചെങ്കിലും അതിലെ രാഷ്ട്രീയ നിലപാടുകളോട് വിയോജിപ്പ് പ്രകടിപ്പിച്ച് നടൻ ഹൃത്വിക് റോഷൻ. ഡിസംബർ 5-ന് തിയേറ്ററുകളിൽ റിലീസ് ചെയ്ത ആദിത്യ ധർ സംവിധാനം ചെയ്ത ചിത്രം, 2000ത്തിൻ്റെ അവസാനത്തിൽ നടന്ന യഥാർത്ഥ സംഭവങ്ങളെ അടിസ്ഥാനമാക്കി പാകിസ്ഥാനിലെ തീവ്രവാദ പ്രവർത്തനങ്ങൾക്കെതിരായ ഇന്ത്യയുടെ പോരാട്ടം പറയുന്ന ഒരു ഫിക്ഷണൽ കഥയാണ്.
റഹ്മാൻ ഡാക്കൈറ്റിന്റെ സംഘത്തിൽ നുഴഞ്ഞുകയറാൻ ശ്രമിക്കുന്ന ഹംസ എന്ന ഇന്ത്യൻ ചാരനായാണ് രൺവീർ സിംഗ് ചിത്രത്തിൽ എത്തുന്നത്. ചാരപ്രവർത്തനങ്ങൾ, കുറ്റകൃത്യങ്ങൾ, രഹസ്യാന്വേഷണ പ്രവർത്തനങ്ങൾ എന്നിവയാണ് ചിത്രത്തിന്റെ ഇതിവൃത്തം.
തൻ്റെ ഇൻസ്റ്റാഗ്രാം സ്റ്റോറിയിൽ ഹൃത്വിക് കുറിച്ചത് ഇങ്ങനെ: “ഞാൻ സിനിമയെ ഇഷ്ടപ്പെടുന്നു, ഒരു ചുഴലിക്കാറ്റിലേക്ക് കയറി കഥയെ നിയന്ത്രിക്കാൻ അനുവദിക്കുകയും, അതിലൂടെ അവരെ കറക്കി കുലുക്കി അവർക്കാവശ്യമായത് സ്ക്രീനിലേക്ക് കൊണ്ടുവരുന്ന ആളുകളെയും ഞാൻ ഇഷ്ടപ്പെടുന്നു. അതിൻ്റെ ഒരു ഉദാഹരണമാണ് ധുരന്ധർ. കഥപറച്ചിൽ ഇഷ്ടപ്പെട്ടു. ഇതൊരു സിനിമയാണ്.”
