കോടിക്കണക്കിന് ആളുകളുടെ നിത്യജീവിതത്തിന്റെ ഭാഗമാണ് ഒരു കപ്പ് കാപ്പി. ചിലർ രാവിലെ എഴുന്നേറ്റ ഉടൻ ആവി പറക്കുന്ന ഒരു കപ്പ് കാപ്പി ആഗ്രഹിക്കുമ്പോൾ, വേനൽക്കാലത്ത് പലരും തിരഞ്ഞെടുക്കുന്നത് തണുപ്പിച്ച കാപ്പിയാണ്. എന്നാൽ ആരോഗ്യത്തിൻ്റെ കാര്യത്തിൽ ഇവയിൽ ഏതാണ് ശരീരത്തിന് കൂടുതൽ ഗുണകരമെന്നത് പ്രധാനപ്പെട്ട ഒരു ചോദ്യമാണ്. കാപ്പിയുടെ താപനിലയേക്കാൾ ഉപരി അത് എങ്ങനെ തയ്യാറാക്കുന്നു എന്നതിനെ ആശ്രയിച്ചാണ് അതിന്റെ ഗുണങ്ങൾ മാറുന്നത്.
സാധാരണ രീതിയിൽ തയ്യാറാക്കുമ്പോൾ തണുത്ത കാപ്പിയേക്കാൾ അല്പം കൂടുതൽ കഫീൻ ചൂടുള്ള കാപ്പിയിൽ അടങ്ങിയിട്ടുണ്ടാകാം. ഉയർന്ന കഫീൻ അളവ് ശ്രദ്ധയും ഉന്മേഷവും വർദ്ധിപ്പിക്കാൻ സഹായിക്കും. എന്നാൽ ചിലരിൽ ഇത് അമിതമായ അസ്വസ്ഥതയ്ക്കും (Jitters) ഉറക്കക്കുറവിനും കാരണമായേക്കാം.
