പ്രശസ്ത നടൻ ധർമേന്ദ്രയുടെ മരണവാർത്ത വ്യാജമാണെന്ന് കുടുംബം അറിയിച്ചു. ധർമേന്ദ്രയുടെ ആരോഗ്യനില തൃപ്തികരമാണെന്നും തെറ്റായ വാർത്തകൾ പ്രചരിപ്പിക്കരുതെന്നും മകൾ ഇഷ ഡിയോൾ സോഷ്യൽ മീഡിയയിലൂടെ അറിയിച്ചു. ‘പപ്പയുടെ രോഗശാന്തിക്കായി പ്രാർത്ഥനകൾ നടത്തിയതിന് നന്ദി’ എന്നും ഇഷ ഡിയോൾ കൂട്ടിച്ചേർത്തു.
ധർമേന്ദ്രയെ ഒരാഴ്ചയായി മുംബൈയിലെ ബ്രീച്ച് കാൻഡി ആശുപത്രിയിൽ പ്രവേശിപ്പിച്ചിരിക്കുകയാണ്. അദ്ദേഹം അന്തരിച്ചതായി ചൊവ്വാഴ്ച (11.11.2025) രാവിലെയാണ് ദേശീയ മാധ്യമങ്ങൾ അടക്കം വാർത്തകൾ പുറത്തുവിട്ടത്. മുംബൈയിലെ സ്വകാര്യ ആശുപത്രിയിൽ ചികിത്സയിലിരിക്കെ മരണമെന്നായിരുന്നു റിപ്പോർട്ടുകൾ.
ഒക്ടോബർ 31-ന് പതിവ് പരിശോധനയ്ക്കായാണ് ധർമ്മേന്ദ്രയെ ആശുപത്രിയിൽ പ്രവേശിപ്പിച്ചത്. അതിനിടെ, തിങ്കളാഴ്ച അദ്ദേഹത്തിൻ്റെ ആരോഗ്യനില വഷളായതായി റിപ്പോർട്ടുകൾ പുറത്തുവന്നിരുന്നു. അതിനിടെയണ് മരണവാർത്തയും പിന്നാലെ അദ്ദേഹത്തിൻ്റെ ആരോഗ്യനില തൃപ്തികരമെന്ന് മകളുടെ നിഷേധക്കുറിപ്പും.
