ലക്നോ: കാൺപൂരിൽ അഞ്ചാം ക്ലാസ് വിദ്യാർഥിനിയെ വീടിനുള്ളിൽ ജീവനൊടുക്കിയ നിലയിൽ കണ്ടെത്തി. രാധെ നഗർ സ്വദേശിനി കാജൾ (11) ആണ് അമ്മയെയും സഹോദരനെയും മുറിയിൽ പൂട്ടിയിട്ട ശേഷം ജീവനൊടുക്കിയത്.
ശനിയാഴ്ച സ്കൂൾ വിട്ട് വീട്ടിലെത്തിയ കാജൾ സഹോദരനൊപ്പം കളിച്ചുകൊണ്ടിരിക്കുന്നതിനിടെയാണ് ഇരുവരെയും മുറിയിൽ പൂട്ടിയിട്ടത്. ഉടൻ തന്നെ കജളിന്റെ മാതാവ് അയൽക്കാരെ സംഭവസ്ഥലത്തേക്ക് വിളിച്ചു വരുത്തി.
അയൽക്കാർ ടെറസിന്റെ വാതിൽ പൊളിച്ച് അകത്ത് കയറിയെങ്കിലും കാജൾ മരിച്ചിരുന്നു. കൂടുതൽ അന്വേഷണങ്ങൾ നടന്നുകൊണ്ടിരിക്കുകയാണെന്ന് പോലീസ് പറഞ്ഞു.



