കൊച്ചി: ഇടപ്പള്ളി പോണേക്കരയില് വന് കഞ്ചാവ് വേട്ട. എട്ടു കിലോ കഞ്ചാവുമായി നാലു പേരെ പോലീസ് പിടികൂടി.
ഇടുക്കി സ്വദേശികളായ അപ്പു ഓമനക്കുട്ടന്, അനു എന്നിവരും ഒഡീഷ സ്വദേശികളായ ജന്നാഥ് നായിക്, ജിതിന് നായിക് എന്നിവരുമാണ് അറസ്റ്റിലായത്. വിപണിയില് ഏകദേശം നാലു ലക്ഷം രൂപ വരെ വില വരുന്ന കഞ്ചാവാണ് ഇവരില് നിന്നും പോലീസ് പിടികൂടിയത്.
ഒഡീഷയില് നിന്നും ട്രെയ്നിലാണ് കഞ്ചാവ് കൊച്ചിയില് എത്തിച്ചത്. എട്ടു പാക്കറ്റുകളിലായാണ് കഞ്ചാവ് സൂക്ഷിച്ചിരുന്നത്. പ്രതികളെ പോലീസ് വിശദമായി ചോദ്യം ചെയ്തു വരികയാണ്.
