കൊച്ചി: വല്ലാര്പാടത്ത് ജൂതനടപ്പില് അച്ഛനെ അതിക്രൂരമായി മര്ദിച്ച മകനെതിരെ മുളവുകാട് പോലീസ് കേസ് എടുത്തു. ജൂതനടപ്പ് സ്വദേശിയായ പുരുഷനാണ് (68) മര്ദനമേറ്റത്. മകന് പ്രവീണിന് (42) എതിരെയാണ് പോലീസ് കേസ് എടുത്തത്.
പോലീസ് കേസ് എടുത്തതോടെ പ്രവീണ് ഒളിവില് പോയി. ഞായറാഴ്ച പുരുഷനെ തല്ലുന്ന പ്രവീണിന്റെ വീഡിയോ പുറത്തു വന്നിരുന്നു.
ക്രൂരമായി മര്ദനമേറ്റ പുരുഷന് ആശുപത്രിയില് ചികിത്സ തേടിയിരുന്നു. ലോട്ടറി വില്പ്പനക്കാരനാണ് പുരുഷന്. പിതാവിനെ മര്ദിച്ച കേസില് പ്രവീണിനെതിരെ മുമ്പും മുളവുകാട് പോലീസ് കേസ് എടുത്തിരുന്നു.
അറസ്റ്റിലായ പ്രവീണിനെ പിതാവ് തന്നെയായിരുന്നു ജാമ്യത്തില് ഇറക്കിയത്. പ്രവീണിനെതിരെ ആറോളം കേസുകള് നിലവിലുണ്ട്.
