കോഴിക്കോട്: എറണാകുളത്ത് ലോറി ഡ്രൈവറെ മരിച്ച നിലയിൽ കണ്ടെത്തി. പയ്യോളി ഐപിസി റോഡില് കറ്റേരി പാലത്തിന് സമീപം താമസിക്കുന്ന സമീര്(46) ആണ് മരിച്ചത്.
ഹൃദയാഘാതത്തെ തുടര്ന്നാണ് മരണമെന്നാണ് പ്രാഥമിക നിഗമനം. കഴിഞ്ഞ ദിവസം വൈകുന്നേരമാണ് സംഭവം. എറണാകുളം പിറവത്ത് ലോറിയുടെ ക്യാബിനുള്ളില് സമീറിനെ മരിച്ച നിലയില് കണ്ടെത്തിയതായി ബന്ധുക്കള്ക്കും പയ്യോളി പോലീസിനും വിവരം ലഭിക്കുകയായിരുന്നു.
പുതിയോട്ടില് കെ.സി ഖാദറിന്റെയും സുബൈദയുടെയും മകനാണ്. ഭാര്യ: മിന്ഹാസ്. മക്കള്: സഫ്വാന്, സൈഫ, സമീര്. എറണാകുളം മൂവാറ്റുപുഴ ഗവണ്മെന്റ് ആശുപത്രിയില് പോസ്റ്റുമോര്ട്ടം നടത്തിയ ശേഷം മൃതദേഹം ബന്ധുക്കള്ക്ക് വിട്ടു നല്കി.
