പ്രസവത്തിന് മുമ്പും ശേഷവും സ്ത്രീകളുടെ ശരീരത്തിൽ നിരവധി മാറ്റങ്ങൾ സംഭവിക്കുന്നു. ഹോർമോൺ അസന്തുലിതാവസ്ഥയും മെറ്റബോളിസത്തിലെ മാറ്റങ്ങളും പ്രസവശേഷം നിരവധി ആരോഗ്യപ്രശ്നങ്ങൾക്ക് കാരണമാകും. പ്രസവശേഷം സ്ത്രീകളിൽ പിത്താശയക്കല്ല് കേസുകൾ അതിവേഗം വർദ്ധിച്ചുവരികയാണെന്ന് പോഷകാഹാര വിദഗ്ധയായ അനിത ഗാദ്രെ അടുത്തിടെ ഒരു ഇൻസ്റ്റാഗ്രാം പോസ്റ്റിൽ പങ്കുവെച്ചു.
കഴിഞ്ഞ മാസം, പ്രസവശേഷം ആറ് സ്ത്രീകളിൽ പിത്തസഞ്ചിയിൽ കല്ലുകൾ ഉണ്ടാകുന്നതായി താൻ കണ്ടതായി അവർ പറഞ്ഞു. പ്രസവശേഷം ഉണ്ടാകുന്ന ഹോർമോൺ മാറ്റങ്ങൾ പിത്തസഞ്ചിയുടെ പ്രവർത്തനത്തെ ബാധിക്കുന്നു. ഹോർമോൺ മാറ്റങ്ങൾ പിത്തസഞ്ചി ശൂന്യമാകുന്നത് മന്ദഗതിയിലാക്കുന്നു, ഇത് കല്ല് രൂപപ്പെടാനുള്ള സാധ്യത വർദ്ധിപ്പിക്കുന്നു.
