തമിഴ്‌നാട്, പുതുച്ചേരി, ആന്ധ്രാപ്രദേശ് തീരങ്ങളോട് അടുത്ത് ഡിറ്റ് വാ ചുഴലിക്കാറ്റ്. കൊടുങ്കാറ്റിന്റെ ആഘാതം കണക്കിലെടുത്ത് റെഡ് അലേർട്ട് പ്രഖ്യാപിച്ചിട്ടുണ്ട്. കനത്ത മഴയാണ് പെയ്യുന്നത്. ഞായറാഴ്ച പുലർച്ചയോടെ ചുഴലിക്കാറ്റ് വടക്ക്-വടക്കുപടിഞ്ഞാറ് ദിശയിലേക്ക് നീങ്ങുകയും വടക്കൻ തമിഴ്‌നാട്, പുതുച്ചേരി, തെക്കൻ ആന്ധ്രാപ്രദേശ് തീരങ്ങൾക്ക് സമീപം തെക്ക് പടിഞ്ഞാറൻ ബംഗാൾ ഉൾക്കടലിലേക്ക് അടുക്കുകയും ചെയ്യും.
ഐഎംഡിയുടെ കണക്കനുസരിച്ച്, കൊടുങ്കാറ്റ് ഇന്ന് അർദ്ധരാത്രിയോടെ തീരപ്രദേശത്തിന് സമീപം കടന്നുപോകും, ഞായറാഴ്ച പുലർച്ചെയോടെ 60 കിലോമീറ്ററും, ഞായറാഴ്ച വൈകുന്നേരത്തോടെ 25 കിലോമീറ്ററും വരെ എത്തും.
