പഞ്ചാബിലെ തരണ് ജില്ലയില് ഒരേ കുടുംബത്തിലെ മൂന്ന് പേര് ശ്വാസംമുട്ടി മരിച്ചു. അലിപൂര് ഗ്രാമവാസികളായ അര്ഷ്ദീപ് സിങ് (21), ഭാര്യ ജഷന്ദീപ് കൗര് (20), ഇവരുടെ കുഞ്ഞ് ഗുര്ബാസ് സിങ് (ഒന്നര മാസം) എന്നിവരാണ് മരിച്ചത്.
കടുത്ത തണുപ്പിനെ പ്രതിരോധിക്കാന് മുറിക്കുള്ളില് കല്ക്കരി കത്തിച്ചുവെച്ച്, വാതിലുകളും ജനലുകളും അടച്ച് ഉറങ്ങാന് കിടന്നതാണ് അപകടത്തിന് കാരണമായതെന്നാണ് നിഗമനം. പുക പുറത്തേക്ക് പോകാന് വെന്റിലേഷനുകളില്ലാതിരുന്നതിനാല് കല്ക്കരിയില് നിന്നുള്ള വിഷപ്പുക അമിതമായി ശ്വസിച്ചതാണ് മരണകാരണമെന്ന് പൊലീസ് സംശയിക്കുന്നു.
