ചെന്നൈ: ഐപിഎൽ സീസൺ ആരംഭിക്കുന്നതിനു മുമ്പ് ചെന്നൈ സൂപ്പര് കിംഗ്സിന് കനത്ത തിരിച്ചടി. കാലിനേറ്റ പരിക്ക് കാരണം എം.എസ്.ധോണിക്ക് ടൂര്ണമെന്റിലെ ആദ്യ രണ്ടാഴ്ച കളിക്കില്ലെന്ന് ടീം മാനേജുമെന്റ് അറിയിച്ചു.
ധോണിയുടെ അസാന്നിധ്യത്തിൽ മലയാളി താരം സഞ്ജു സാംസണാകും ചെന്നൈയുടെ വിക്കറ്റ് കീപ്പർ. രാജസ്ഥാന് റോയല്സിനെതിരെ തിങ്കളാഴ്ചയാണ് സിഎസ്കെയുടെ ആദ്യ മത്സരം. 2020ല് അന്താരാഷ്ട്ര ക്രിക്കറ്റില് നിന്ന് വിരമിച്ച ശേഷം ധോണി ഐപിഎല്ലില് മാത്രമാണ് കളിക്കുന്നത്.
കഴിഞ്ഞ സീസണില് ചെന്നൈക്കായി 14 മത്സരങ്ങളിലും അദ്ദേഹം കളത്തിലിറങ്ങിയിരുന്നു. 135.17 സ്ട്രൈക്ക് റേറ്റില് 196 റണ്സാണ് അദ്ദേഹം കഴിഞ്ഞ തവണ നേടിയത്.
