2024 ഡിസംബര് 4 ന് ആയിരുന്നു അക്കിനേനി നാഗ ചൈതന്യയുടെയും ശോഭിത ധൂലിപാലയുടെയും വിവാഹം. കൃത്യം ഒരു വര്ഷത്തിനിപ്പുറം, ഡിസംബര് 1 ന് സമാന്ത റുത്ത് പ്രഭുവിന്റെയും രാജ് നിഡിമോരുവിന്റെയും വിവാഹം കഴിഞ്ഞു. 2020 ല് നാഗ ചൈതന്യയും സമാന്ത റുത്ത് പ്രഭുവും ഔദ്യോഗികമായി വേര്പിരിഞ്ഞുവെങ്കിലും ആരാധകര്ക്ക് അവര് വീണ്ടും ഒന്നിക്കണം എന്ന ആഗ്രഹമുണ്ടായിരുന്നു. ആ ആഗ്രഹത്തില് നില്ക്കുമ്പോഴായിരുന്നു ശോഭിതയുമായുള്ള പ്രണയവും വിവാഹവും. അതിന്റെ പേരില് ഒത്തിരി സൈബര് അറ്റാക്ക് ശോഭിതയ്ക്ക് നേരിടേണ്ടതായി വന്നു.
തനിക്ക് ഒരു സിംപതി ക്രിയേറ്റ് ചെയ്യുന്ന തരമായിരുന്നു സമാന്ത റുത്ത് പ്രഭുവിന്റെ അഭിമുഖങ്ങള്. വിവാഹവും പിന്നാലെ വന്ന മയോസൈറ്റിസ് എന്ന അപൂര്വ്വ രോഗവും എങ്ങനെ അതിജീവിച്ചു എന്ന് പറയുമ്പോള് ആരാധകരും ഇമോഷണലായിരുന്നു. ഇക്കാരണങ്ങളാല് തന്നെ, നാഗ ചൈതന്യ സമാന്തയെ ഉപേക്ഷിച്ചു പോയതാണ്, ഡയമണ്ടിനെ നഷ്ടപ്പെടുത്തി എന്ന തരത്തിലായിരുന്നു സൈബര് അറ്റാക്കുകള്. അവസാനം ഗത്യന്തരമില്ലാതെ ചൈതന്യ പ്രതികരിച്ചു, എന്റെ കഴിഞ്ഞ ജീവിതം മുന് പങ്കാളിയും ഞാനും ഒന്നിച്ചെടിത്ത തീരുമാനമാണ്. അതില് ശോഭിതയ്ക്ക് പങ്കില്ല, അവള് പാവമാണ്, ഇതൊന്നും അവള് അര്ഹിക്കുന്നതല്ല എന്ന് നാഗ ചൈതന്യ പറഞ്ഞിട്ടും സൈബര് അറ്റാക്കുകള് കുറഞ്ഞിരുന്നില്ല.
ഇപ്പോള് സമാന്ത റുത്ത് പ്രഭു വിവാഹിതയായി. രാജ് നിഡിമോരു നേരത്തെ വിവാഹിതനാണ്. ഒരാളുടെ ദാമ്പത്യ ജീവിതം തകര്ത്തിട്ടാണ് സമാന്ത വിവാഹ ബന്ധത്തിലേക്ക് കടന്നത് എന്ന തരത്തിലാണ് ഇപ്പോള് സൈബര് അറ്റാക്ക്. വിവാഹ ഫോട്ടോകള് പുറത്ത് വന്നതിന് പിന്നാലെ നാഗ ചൈതന്യ എങ്ങനെ പ്രതികരിക്കും എന്നറിയാനായിരുന്നു പലരുടെയും ആദ്യത്തെ ശ്രമം. എന്നാല് തന്റെ പുതിയ വെബ് സീരീസിന്റെ പ്രമോഷനാണ് നാഗ ചൈതന്യ പോസ്റ്റ് ചെയ്തത്.
സോഷ്യല് മീഡിയയില് അത്രയ്ക്കൊന്നും സജീവമല്ലാത്ത നടനാണ് നാഗ ചൈതന്യ. എന്നിട്ടും സമാന്ത വിവാഹ ചിത്രങ്ങള് പോസ്റ്റ് ചെയ്തതിന് തൊട്ടുപിന്നാലെ പ്രൈം വീഡിയോയില് സ്ട്രീമിങ് ചെയ്യാന് പോകുന്ന തന്റെ ധൂതം എന്ന ചിത്രത്തിന്റെ പ്രമോഷനുമായി ബന്ധപ്പെട്ട പോസ്റ്റുമായി എത്തി. കൈ കെട്ടി നില്ക്കുന്ന ഒരു ഫോട്ടോയ്ക്കൊപ്പമായിരുന്നു പോസ്റ്റ്. പോസ്റ്റിന് താഴെ വരുന്നത് മുഴുവന് സമാന്തയുടെ വിവാഹം കഴിഞ്ഞതുമായി ബന്ധപ്പെട്ട കമന്റുകളാണ്. കല്യാണത്തിന് പോയോ എന്ന് ചോദിക്കുന്നവരും ഉണ്ട്.
