ന്യൂഡൽഹി: ദേശീയ വിദ്യാഭ്യാസനയ പ്രകാരമുള്ള ത്രിഭാഷാപഠനം പുതിയ അധ്യായനവർഷത്തിൽ നടപ്പാക്കണമെന്ന് സിബിഎസ്ഇ. ഈ വർഷം ആറാംക്ലാസിൽ മൂന്നാം ഭാഷ പഠിപ്പിച്ചിരിക്കണമെന്ന് ആവശ്യപ്പെട്ട് സിബിഎസ്ഇ സ്കൂളുകൾക്ക് സർക്കുലറയച്ചു.
പാഠപുസ്തകങ്ങൾ വൈകാതെ എത്തിക്കാമെന്നും നിലവിൽ ലഭ്യമായ പുസ്തകങ്ങൾവെച്ച് മൂന്നാംഭാഷ പഠിപ്പിക്കാനുമാണ് നിർദേശം. ഏപ്രിൽ ഒന്നുമുതൽ സിബിഎസ്ഇ സ്കൂളുകളിൽ ക്ലാസ് തുടങ്ങിയ പശ്ചാത്തലത്തിലാണ് സർക്കുലർ.
ഏതുഭാഷയാണ് മൂന്നാം ഭാഷയായി തെരഞ്ഞെടുക്കുന്നതെന്ന് സ്കൂളുകൾ ബന്ധപ്പെട്ട മേഖലാ ഓഫീസുകളെ അറിയിക്കണം. സിബിഎസ്ഇയുടെ ഓൺലൈൻ പോർട്ടലിലും അപ്ഡേറ്റ് ചെയ്യണം. 2026-27 അധ്യായനവർഷം മുതൽ ത്രിഭാഷാനയം നിർബന്ധമാക്കി അടുത്തിടെ സിബിഎസ്ഇ പാഠ്യപദ്ധതി പരിഷ്കരിച്ചിരുന്നു.
