വന്ദേഭാരത് ട്രെയിനിൽ സ്കൂൾ കുട്ടികൾ ആർഎസ്എസ് ഗണഗീതം പാടുന്ന വീഡിയോ വിവാദമായിരുന്നു. ‘പരമപവിത്രമതാമീ മണ്ണില് ഭാരതാംബിയെ പൂജിക്കാന്’ എന്ന് തുടങ്ങുന്ന ഗാനമാണ് കുട്ടികൾ പാടിയത്. എളമക്കര സരസ്വതി വിദ്യാലയയിലെ കുട്ടികളുടെ വീഡിയോയാണ് വിവാദമായത്. ഇപ്പോഴിതാ സംഭവത്തിൽ പ്രധാനമന്ത്രി നരേന്ദ്രമോദിയ്ക്ക് കത്തയച്ചിരിക്കുകയാണ് സ്കൂൾ.
“പരമപവിത്രതമീ മണ്ണിൽ ഭാരതംബയേ പൂജിക്കൻ” എന്നത് ദേശസ്നേഹമുള്ള മലയാള ഗാനമാണിതെന്നും രാജ്യത്തിന്റെ മതേതര ഘടനയെയോ ദേശീയ ഐക്യത്തെയോ വെല്ലുവിളിക്കുന്ന ഒരു വാക്കുകളും അതിൽ അടങ്ങിയിട്ടില്ലെന്നും വ്യക്തമാക്കി. കുട്ടികൾ ദേശഭക്തി ഗാനങ്ങൾ പാടുന്നത് തെറ്റാണോ എന്നും കത്തിൽ ചോദിച്ചു കൊണ്ടാണ് കത്ത് അവസാനിക്കുന്നത്.
വിവാദത്തിന് പിന്നാലെ റെയിൽവേ ഈ വീഡിയോ നീക്കം ചെയ്തിരുന്നു. രക്ഷിതാക്കളും വിദ്യാർത്ഥികളും ജീവനക്കാരും വളരെയധികം അഭിമാനം പ്രകടിപ്പിച്ചെങ്കിലും, സതേൺ റെയിൽവേയുടെ ഔദ്യോഗിക എക്സ് അക്കൗണ്ടിൽ നിന്ന് ട്വീറ്റ് നീക്കം ചെയ്തത് “ഞങ്ങളുടെ വിദ്യാർത്ഥികളെയും ജീവനക്കാരെയും രക്ഷിതാക്കളെയും അഭ്യുദയകാംക്ഷികളെയും വളരെയധികം ദുഃഖിപ്പിച്ചു” എന്ന് സ്കൂൾ അധികൃതർ എടുത്തുപറഞ്ഞു.
