കൊച്ചി: എറണാകുളം ചക്കരപ്പറമ്പില് ലോറിയുടെ പിന്നില് ബസ് ഇടിച്ച് അപകടം. വൈറ്റിലയ്ക്കും ഇടപ്പള്ളി സിഗ്നലിനും ഇടയിലാണ് അപകടമുണ്ടായത്.
ചെന്നൈയില് നിന്നും തിരുവല്ലയിലേക്ക് പോവുകയായിരുന്ന ദീര്ഘദൂര ബസാണ് അപകടത്തില് പെട്ടത്. വേഗത്തില് എത്തിയ ബസ് മുന്നില് പോവുകയായിരുന്ന ലോറിയുടെ പിന്നിൽ ഇടിക്കുകയായിരുന്നു.
നിരവധി യാത്രക്കാര് ബസില് ഉണ്ടായിരുന്നെങ്കിലും അപകടത്തില് ആര്ക്കും പരിക്കില്ല. എന്നാല് ബസ് സ്ഥലത്ത് നിന്നും മാറ്റാന് സാധിക്കാത്തതിനാല് വലിയ ഗതാഗത കുരുക്ക് രൂപപ്പെട്ടു. ഒന്നര മണിക്കൂറിന് ശേഷമാണ് റിക്കവറി വാന് എത്തിച്ച് മാറ്റാനുള്ള ശ്രമങ്ങള് ആരംഭിച്ചത്.
മുന്വശം മാത്രമാണ് തകര്ന്നതെങ്കിലും മുന്നോട്ടു കൊണ്ടുപോകാന് കഴിയാത്ത സ്ഥിതിയില് ആയിരുന്നു ബസ്. ഏറെ തിരക്ക് ഉണ്ടാവുന്ന റോഡ് ആയതിനാല് ബസ് റോഡിന് നടുവില് കിടന്നത് വലിയ ഗതാഗത തടസത്തിന് കാരണമായി.
