ഇന്ത്യക്കെതിരായ കൊല്‍ക്കത്ത ക്രിക്കറ്റ് ടെസ്റ്റിൻ്റെ ഒന്നാം ഇന്നിങ്സിൽ ദക്ഷിണാഫ്രിക്ക 159 റണ്‍സിന് പുറത്ത്. ടോസ് നേടി ബാറ്റിംഗിനിറങ്ങിയ ദക്ഷിണാഫ്രിക്ക 55 ഓവറിലാണ് പുറത്തായത്. ഇന്ത്യക്കായി ജസ്പ്രീത് ബുംറ 14 ഓവറില്‍ 27 റണ്‍സ് മാത്രം വിട്ടുനൽകി അഞ്ച് വിക്കറ്റുകൾ സ്വന്തമാക്കി. കുല്‍ദീപ് യാദവ്, മുഹമ്മദ് സിറാജ് എന്നിവർ രണ്ട് വിതവും അക്സര്‍ പട്ടേല്‍ ഒരു വിക്കറ്റും നേടി. 31 റണ്‍സ് നേടിയ ഓപ്പണര്‍ ഏയ്ഡൻ മാര്‍ക്രമാണ് പ്രോട്ടീസിൻ്റെ ടോപ് സ്കോററർ.
ആദ്യ വിക്കറ്റില്‍ 57 റണ്‍സടിച്ച് നല്ല തുടക്കമാണ് റിയാൻ റിക്കിള്‍ടണ്‍-ഏയ്ഡന്‍ മാര്‍ക്രം സഖ്യം പ്രോട്ടീസിന് നൽകിയത്. രണ്ട് ഓപ്പണർമാരെയും തിരിച്ച് കയറ്റി ബുംറയാണ് ഇന്ത്യയ്ക്ക് കാത്തിരുന്ന ബ്രേക്ക് ത്രൂ നൽകിയത്. റിയാന്‍ റിക്കിള്‍ടണെയാണ് താരം ആദ്യം പുറത്താക്കിയത്. പിന്നാലെ ഏയ്ഡന്‍ മാര്‍ക്രത്തെയും താരം വീഴത്തി.
