ചെക്ക് കേസുമായി ബന്ധപ്പെട്ട് ജയിലിൽ കഴിയുന്ന പ്രശസ്ത ബോളിവുഡ് നടൻ രാജ്പാൽ യാദവിന് കോടതിയിൽ തിരിച്ചടി. ഇദ്ദേഹം സമർപ്പിച്ച ജാമ്യാപേക്ഷ പരിഗണിച്ച ഡൽഹി ഹൈക്കോടതി, ഇടക്കാല ജാമ്യം ലഭിക്കുന്നതിനായി ഇന്ന് (ഫെബ്രുവരി 16) ഉച്ചയ്ക്ക് 3 മണിക്ക് മുൻപായി 1.5 കോടി രൂപയുടെ ഡിമാൻഡ് ഡ്രാഫ്റ്റ് സമർപ്പിക്കാൻ രാജ്പാൽ യാദവിന്റെ അഭിഭാഷകനോട് നിർദ്ദേശിച്ചിരിക്കുകയാണ്. ചെക്ക് കേസിൽ 9 കോടി രൂപയാണ് ഇദ്ദേഹം തിരിച്ചടയ്ക്കാനുള്ളത്.
ഇന്ന് ഉച്ചകഴിഞ്ഞ് 3 മണിക്കുള്ളിൽ ഡിമാൻഡ് ഡ്രാഫ്റ്റ് സമർപ്പിച്ചാൽ അദ്ദേഹത്തെ വിട്ടയക്കുമെന്ന് കോടതി പറഞ്ഞു. അല്ലെങ്കിൽ, കേസ് നാളെ രാവിലെ, ഫെബ്രുവരി 17ന് വീണ്ടും പരിഗണിക്കും. ഫെബ്രുവരി 19-ന് നടക്കുന്ന സഹോദരപുത്രിയുടെ വിവാഹത്തിൽ പങ്കെടുക്കാൻ വേണ്ടിയാണ് രാജപാൽ യാദവ് ജാമ്യം ആവശ്യപ്പെട്ട് അപേക്ഷ നൽകിയത്.
