തേവരയിൽ വീട്ടിലെത്തിച്ച ലൈംഗികത്തൊഴിലാളിയായ യുവതിയെ തലയ്ക്കടിച്ചു കൊലപ്പെടുത്തിയ ശേഷം ചാക്കിൽകെട്ടി ഉപേക്ഷിക്കാൻ ശ്രമിച്ചയാൾ പിടിയിൽ. കോന്തുരുത്തി പ്രതിഭ നഗർ വീട്ടു നമ്പർ–3കൊടിയന്തറ കെ.കെ.ജോർജ് (61) ആണ്‌ സൗത്ത് പോലീസിന്റെ പിടിയിലായത്‌. പാലക്കാട്‌ ശ്രീകൃഷ്ണപുരം സ്വദേശി ബിന്ദുവിനെ(43) പ്രതി വെള്ളിയാഴ്ച രാത്രി പതിനൊന്നരയോടെ കമ്പിപ്പാര കൊണ്ടു തലയ്ക്കടിച്ചു കൊലപ്പെടുത്തുകയായിരുന്നു എന്നു പൊലീസ് പറഞ്ഞു.
മൃതദേഹം സമീപത്തുള്ള ഓടകളിലോ ജലാശയത്തിലോ ഉപേക്ഷിക്കാൻ ചാക്കിൽ കയറ്റിയതെന്നും പ്രതിയുടെ മൊഴി. പകുതിയോളം ചാക്കിൽ കയറ്റിയ മൃതദേഹവുമായി വീട്ടിലേക്കുള്ള വഴിയിൽ തളർന്നിരിക്കുന്ന ജോർജിനെ രാവിലെ 6.15ന് ജോലിക്കെത്തിയ ഹരിതകർമ സേനാംഗം കണ്ടതോടെയാണു കൊലപാതകം പുറത്തറിഞ്ഞത്.
തേവരയിലെ സൗത്ത് ഗേൾസ് ഹൈസ്‌കൂളിന് സമീപത്ത് നിന്ന് കഴിഞ്ഞ രാത്രി പ്രതി ലൈംഗികത്തൊഴിലാളിയാണെന്ന് പറയപ്പെടുന്ന സ്ത്രീയെ തന്റെ വീട്ടിലേക്ക് കൊണ്ടുവന്നതായി പോലീസ് പറഞ്ഞു.
