ഫുട്ബോൾ ഇതിഹാസം ലയണൽ മെസ്സിയുടെ വരവിനായി കാത്തിരിക്കുകയാണ് കൊൽക്കത്തയിലെ ആരാധകർ. ഡിസംബർ 13-നാണ് അർജൻ്റീനിയൻ സൂപ്പർ താരം കൊൽക്കത്തയിൽ എത്തുന്നത്. ഏഴ് തവണ ബാലൺ ഡി ഓർ ജേതാവായ മെസ്സി, യുറുഗ്വായ് താരം ലൂയിസ് സുവാരസ്, അർജൻ്റീന താരം റോഡ്രിഗോ ഡി പോൾ എന്നിവർക്കൊപ്പമാണ് കൊൽക്കത്തയിൽ എത്തുക.
സന്ദർശനത്തിൻ്റെ ഭാഗമായി, ശ്രീഭൂമിയിലെ ക്ലോക്ക് ടവറിന് സമീപം സ്ഥാപിച്ചിട്ടുള്ള തൻ്റെ 70 അടി ഉയരമുള്ള ലോകത്തിലെ ഏറ്റവും വലിയ പ്രതിമ മെസ്സി അനാച്ഛാദനം ചെയ്യും. മോണ്ടി പാൽ എന്ന കലാകാരനും അദ്ദേഹത്തിൻ്റെ 30 കലാകാരന്മാരുടെ സംഘവും പ്രത്യേക ഫൈബർ സാങ്കേതികവിദ്യ ഉപയോഗിച്ച് ഏതാനും ദിവസങ്ങൾക്കുള്ളിലാണ് ഈ പ്രതിമ നിർമ്മിച്ചത്.
