നിലമ്പൂരിൽ ഭരണവിരുദ്ധ വികാരം ശക്തമായി പ്രതിഫലിച്ചെന്ന് മുസ്ലീം ലീഗ് സംസ്ഥാന പ്രസിഡൻ്റ് സയ്യിദ് സാദിഖലി ശിഹാബ് തങ്ങൾ. യുഡിഎഫിന്റെ ഒറ്റക്കെട്ടായ വിജയമാണെന്നും ജനകീയ വിഷയങ്ങൾ മാത്രമാണ് നിലമ്പൂരിൽ യുഡിഎഫ് ചർച്ച ചെയ്തതെന്നും അദ്ദേഹം പറഞ്ഞു.
നിയമസഭാ തിരഞ്ഞെടുപ്പിന് മുമ്പ് യുഡിഎഫ് ശക്തിപ്പെടുത്തണമെന്നും അൻവർ നേടിയതും ഭരണവിരുദ്ധ വോട്ടുകളാണെന്നും അദ്ദേഹം പറഞ്ഞു.
“അൻവറിന്റെ യുഡിഎഫ് പ്രവേശനം യുഡിഎഫ് ചർച്ച ചെയ്യും. നിലമ്പൂർ സ്റ്റേഷനിൽ നിന്ന് യുഡിഎഫിൽ കയറിപ്പറ്റാൻ അൻവറിന് കഴിഞ്ഞില്ല. ഇനിയും സ്റ്റേഷനുകൾ ഉണ്ടല്ലോ” തങ്ങൾ മാധ്യമങ്ങളോട് പറഞ്ഞു. വെൽഫെയർ പാർട്ടിയുടെ പിന്തുണയുമായി ബന്ധപ്പെട്ട വിവാദങ്ങൾ ഒന്നും തെരഞ്ഞെടുപ്പിൽ പ്രതിഫലിച്ചില്ലെന്നും അദ്ദേഹം പറഞ്ഞു.
