ഗോവയിൽ നിന്ന് ഡൽഹിയിലേക്കുള്ള ആകാശ എയർ വിമാനത്തിലെ ക്യാബിൻ ക്രൂ അംഗങ്ങളോട് മോശമായി പെരുമാറിയ രണ്ട് യാത്രക്കാരെ വിമാനത്തിൽ നിന്ന് പുറത്താക്കി. ഇതേ തുടർന്ന് വിമാനം ഒന്നര മണിക്കൂറിലധികം വൈകി. ആകാശ എയർ QP1358 വിമാനത്തിലാണ് സംഭവം.
ഓവർഹെഡ് കമ്പാർട്ടുമെന്റുകളിൽ യാത്രക്കാരുടെ ലഗേജ് ക്രമീകരിക്കാൻ ക്യാബിൻ ക്രൂ സഹായിക്കുന്നതിനിടെയാണ് സംഭവം. അഭിനവ് എന്ന ക്യാബിൻ ക്രൂ അംഗം മറ്റ് യാത്രക്കാരെ സഹായിക്കുന്നതിനിടെ അനുപ് ഭാർഗവ, ചന്ദൻ മിശ്ര എന്നീ രണ്ട് യാത്രക്കാർ അവരുടെ ലഗേജ് കൈകാര്യം ചെയ്യുന്നതിനെ എതിർക്കുകയായിരുന്നു.
