മലയാളികൾക്ക് പ്രിയങ്കരിയായ അവതാരകയും നടിയുമാണ് ജുവൽ മേരി. തന്റെ വിവാഹബന്ധം വേർപിരിഞ്ഞതിനെക്കുറിച്ചും അമ്മയാകാൻ ആഗ്രഹിച്ചതിനെക്കുറിച്ചുമെല്ലാം തുറന്നുപറയുകയാണ് താരം. അടുത്തിടെ തന്റെ കാൻസർ അതിജീവന യാത്രയെക്കുറിച്ചും നടി വെളിപ്പെടുത്തിയിരുന്നു. പിങ്ക് പോഡ്കാസ്റ്റ് എന്ന യൂട്യൂബ് ചാനലിനു നൽകിയ അഭിമുഖത്തിൽ സംസാരിക്കുകയായിരുന്നു ജുവൽ മേരി.
”ഒരു വിവാഹബന്ധത്തിൽ ആയിരിക്കുമ്പോൾ നമ്മൾ സ്നേഹത്തിലാണ്. ഒരു കുടുംബമുണ്ടാക്കിയിരിക്കുകയാണ്. അതിൽ നിന്ന് പുറത്ത് കടക്കാം എന്ന തീരുമാനത്തിലെത്താൻ തന്നെ എനിക്ക് വർഷങ്ങളെടുത്തു. എന്റെ മനസ് 100% തകർന്ന് തരിപ്പണമായിരുന്നു. മനസ് മരവിച്ച അവസ്ഥയിൽ പോലും ഞാൻ ജോലി ചെയ്തിട്ടുണ്ട്. കാരണം പൈസ വേണം. ഇഎംഐ, കടം, വാടക എല്ലാമുണ്ട്.
മൂന്നു വർഷം കോടതിയിൽ കേസുണ്ടായിരുന്നു. ആദ്യത്തെ കുറേ ആഴ്ചകൾ കോടതിയിൽ പോകുന്നത് ആലോചിച്ച് തന്നെ എന്റെ ഉറക്കം പോയിരുന്നു. ഡിവോഴ്സ് മ്യൂച്വൽ ആയത് കൊണ്ട് ഇപ്പോൾ ഏറ്റവും അവസാനത്തെ സ്റ്റേജിലാണ്. അതിനു മുൻപ് ഡിവോഴ്സിനായി ഒരുപാട് ഫൈറ്റ് ചെയ്തിട്ടുണ്ട്. പിന്നീട് ഞാനല്ല ഒതുങ്ങേണ്ടത്, ഞാനല്ല പേടിക്കേണ്ടത് എന്ന് തിരിച്ചറിഞ്ഞു.
