കണ്ണൂർ: ഗര്ഭിണിയായ ഭാര്യയെ ഡിസ്ചാര്ജ് ചെയ്യണമെന്നാവശ്യപ്പെട്ടത് കണ്ണൂർ ഗവ.മെഡിക്കൽ കോളജിൽ യുവാവിന്റെ അതിക്രമം. ലേബര്റൂം അടിച്ചു തകര്ത്ത കാഞ്ഞങ്ങാട് ഒഴിഞ്ഞവളപ്പിലെ റാഷിദിനെ (24) പോലീസ് അറസ്റ്റ് ചെയ്തു. വെള്ളിയാഴ്ച രാത്രി 7.30 ഓടെയാണ് സംഭവം.
ലേബര് റൂമില് പ്രവേശിപ്പിച്ച റാഷിദിന്റെ ഭാര്യയെ അവരുടെ അനുമതിയില്ലാതെ ഡിസ്ചാര്ജ് ചെയ്യണമെന്നാവശ്യപ്പെട്ടാണ് ഇയാള് ബഹളം വച്ചത്. നഴ്സിംഗ് ഓഫീസര് സനിലയെ ചീത്തവിളിക്കുകയും ലേബര് റൂമിലെ വാതിലുകളും ഫര്ണിച്ചറുകളും അടിച്ചു തകര്ക്കുകയുമായിരുന്നു.
അക്രമം നടത്തുന്നതിനിടെ പരിക്കേറ്റ ഇയാളെ മെഡിക്കല് കോളജില് പ്രവേശിപ്പിച്ചിരിക്കുകയാണ്. ആശുപത്രിയില് 15,000 രൂപയുടെ നാശനഷ്ടമുണ്ടായി. നഴ്സിംഗ് ഓഫീസര് സനിലയുടെ പരാതിയിലാണ് കേസെടുത്തത്.
