കൂത്തുപറമ്പ്: കാട്ടുപന്നി കുറുകെ ചാടിയതിനെ തുടര്ന്ന് നിയന്ത്രണംവിട്ട ഓട്ടോറിക്ഷ മറിഞ്ഞ് മത്സ്യ വില്പനക്കാരനായ ഗൃഹനാഥന് മരിച്ചു. കൂത്തുപറമ്പ് നരവൂരിലെ അവിട്ടം ഹൗസിൽ എന്. പ്രദീപന് (52) ആണ് മരിച്ചത്.
കതിരൂര് മൂന്നാം മൈലില് വച്ച് ഇന്ന് പുലര്ച്ചെ അഞ്ചോടെയാണ് സംഭവം. തലശേരി മാര്ക്കറ്റില് നിന്നും ഓട്ടോയില് വില്പനക്കുള്ള മത്സ്യവും എടുത്ത് നരവൂരിലേക്ക് പോകുകയായിരുന്നു പ്രദീപൻ.
മൂന്നാം മൈല് ടൗണിന് സമീപം വെച്ച് പന്നി കുറുകെ ചാടിയപ്പോൾ ഓട്ടോ നിയന്ത്രണം വിട്ട് മറിയുകയായിരുന്നു. പരിക്ക് പറ്റിയ പ്രദീപനെ തലശേരി ആശുപത്രിയില് എത്തിച്ചെങ്കിലും രാവിലെ ഏഴോടെ മരണപ്പെടുകയായിരുന്നു.
