ലണ്ടനിൽ 26 വയസ്സുള്ള ഇന്ത്യൻ വംശജൻ കുത്തേറ്റു മരിച്ചു. സംഭവത്തിൽ മെട്രോപൊളിറ്റൻ പോലീസ് കൊലപാതക അന്വേഷണം ആരംഭിച്ചിട്ടുണ്ട്. പഞ്ചാബില് നിന്നുള്ള ഗുര്ബജ് സിങ് എന്നയാളാണ് കൊല്ലപ്പെട്ടത്. 30 വയസുള്ള മറ്റൊരാള്ക്കും കുത്തേറ്റുവെന്നും ആശുപത്രിയിലാണെന്നും പൊലീസ് അറിയിച്ചു.
ആക്രമണത്തിന് പിന്നിലെ സാഹചര്യങ്ങൾ സ്ഥാപിക്കാൻ ഡിറ്റക്ടീവുകൾ പ്രവർത്തിക്കുന്നതിനാൽ സാക്ഷികളുടെയും സിസിടിവി ദൃശ്യങ്ങളുടെയും വിവരങ്ങൾ ആവശ്യപ്പെട്ടിട്ടുണ്ട്. സൗത്താളിലെ ഡോർമേഴ്സ് വെൽസ് ലെയ്നുമായുള്ള ജംഗ്ഷനു സമീപമുള്ള നോർത്ത് റോഡിൽ വെച്ചാണ് ഗുർബജിന് കുത്തേറ്റത്.
ആക്രമണത്തിന്റെ കൃത്യമായ കാരണം ഇതുവരെ വ്യക്തമല്ല. സംഭവവുമായി ബന്ധപ്പെട്ട് ബ്രിട്ടീഷ് പൊലീസ് അന്വേഷണം ആരംഭിച്ചിട്ടുണ്ട്. സ്ഥലത്ത് നിന്ന് തെളിവുകള് ശേഖരിച്ച പൊലീസ് സാക്ഷിമൊഴികള് രേഖപ്പെടുത്തി.
അക്രമം നടക്കുന്നതായ വിവരമറിഞ്ഞ് സ്ഥലത്തെത്തിയപ്പോള് രണ്ടുപേര് കുത്തേറ്റ് റോഡില് വീണുകിടക്കുന്ന നിലയിലായിരുന്നെന്ന് പൊലീസ് പറഞ്ഞു. രാത്രി 12.30ഓടെയായിരുന്നു സംഭവം. ഗുരുതരമായി പരിക്കേറ്റ ഗുര്ബജ് സിങ്ങിനെ ആശുപത്രിയിലെത്തിച്ചെങ്കിലും മരിക്കുകയായിരുന്നു.
